Այդ դժվարին պաշտոնը գրավելու առաջին ժամանակաշրջանում Բլումբերգը անցկացնում է մի շարք փոփոխություններ, որոնք տարբեր կերպ է ընդունում հասարակությունը: Հավանության չեն արժանանում եւ չեն ընդունվում հարկերի բարձրացման, վարչակազմի ծախսերի կրճատման, ռեստորաններում, ակումբներում եւ բարերում ծխելու արգելքի մասին փոփոխությունները։ Սակայն դրական արձագանք են ստանում եւ նրա հեղինակությունը բարձրացնում են քաղաքում հանցագործության կրճատումը 20 տոկոսով, որը հետեւանք էր տնտեսության արագ աճի, փոքր բիզնեսին աջակցելու շնորհիվ նոր աշխատատեղերի ստեղծումը, բարեկարգ բնակարանների կառուցումը եւ դպրոցական բարեփոխումները:

2005-ին Բլումբերգը տարբեր քաղաքական կոալիցիաների օգնությամբ վերընտրվում է երկրորդ անգամ: Ընտրությունների ժամանակ ձայների տաբերությունը 20 տոկոս էր կազմում, որը ռեկորդային ցուցանիշ էր հանրապետական քաղաքագլխի համար: Այդ անգամ նա նախընտրական քարոզարշավի ժամանակ ծախսել էր 74 մլն դոլար` մեկ միլիոն ավելի, քան նախորդ անգամ: Իր կառավարման տարիներին Բլումբերգը հավասարակշռեց քաղաքի բյուջեն։ Այդ ընթացքում գործազուրկների թիվը ռեկորդային նվազում արձանագրեց: Բլումբերգը կիրառում էր նոր աշխատատեղեր բացելու շնորհիվ աղքատության

հետ