"Տնտեսության զարգացմանը մեծապես նպաստում է նոր տեխնոլոգիաների կիրառումը", ասում է "Տեխնո ֆիտ" ընկերության հիմնադիր Դավիթ Չիտչյանը:

-Յուրաքանչյուր նորաստեղծ կազմակերպություն իր պատմությունն ունի: Ինչպիսի՞ն է "Տեխնո ֆիտ"-ի պատմությունը:

-Դեռեւս Մոսկվայի Գուբկինի անվան "Նավթի եւ գազի" ինստիտուտում ուսանելու տարիներին ծնվեց "Տեխնո ֆիտ-Ռոսիա" կազմակերպության ստեղծման գաղափարը: Կազմակերպության նպատակն էր այս ոլորտում ավանդական մեթոդներով աշխատանքները փոխարինել նոր տեխնոլոգիաներով, որոնք կարող էին երաշխավորել ոչ միայն ժամանակի եւ գումարի խնայողություն, այլեւ` ապահովել որակ: Արդյունքները երկար սպասեցնել չտվեցին: Եվ ահա, 2007 Հայաստանում որոշեցինք ստեղծել նմանատիպ ընկերություն: "Տեխնո ֆիտ" -ը արտադրում է պոլիէթիլենային խողովակներ, զբաղվում է ձեւավոր մասերի արտադրությամբ, նոր սարքավորումների ձեռքբերմամբ, ենթակառուցվածքների վերանորոգմամբ: Այս աշխատանքներում մեր մոտեցումները բոլորովին այլ են, քանի որ օգտագործվում են եվրոպական երկրներում լայն կիրառում ունեցող տեխնոլոգիաներ:

-Խոսելով նոր տեխնոլոգիաների մասին, նշեցիք Ձեր ընկերության արտադրած պոլիէթիլենային խողովակների մասին: Նախկին խողովակների համեմատ ինչո՞վ են առավել դրանք:

-Եթե նախկին երկաթյա խողովակների կիրառման ժամկետը չէր գերազանցում 15-20 տարին, ապա պոլիէթիլենային խողովակները կարելի է շահագործել 80-ից 100 տարի, եւ հետո դրանց մոնտաժային եւ շինարարական աշխատանքներն ավելի դյուրին է իրականացնել: Մեր կողմից կիրառվող նոր տեխնոլոգիաներից է "Քանդիչ սարքը": Այն առանց ճանապարհը քանդելու, օգտագործման ոչ ենթակա խողովակի մեջ անցկացնում է ավելի մեծ տրամագծով խողովակ: Մեկ այլ տեխնոլոգիա նախատեսված է գազատարների վերականգնման աշխատանքների համար, հիմնականում` Երեւան-Արարատ գազատարի

հետ