-Նոր տեխնոլոգիաների ներդրման հաջողության համար ոչ պակաս կարեւոր է նաեւ կադրերի խնդիրը: Այս հարցում դժվարություններ չունեցա՞ք:

-Սկզբնական շրջանում խնդիրներ, իհարկե եղել են: Դրանք հաղթահարելու համար Գերմանիայից, Ռուսաստանից եւ Ֆրանսիայից հրավիրեցինք մասնագետներ, որոնք մեր ինժեներական խմբին ուսուցանեցին գործի մանրամասներն ու նրբությունները: Առհասրակ, շինարար ժողովուրդի համար, ինչպիսին հայերն են, զարգացած երկրների շինարարության բնագավառում ընդունված նորամուծությունները "դժվարամարս" են: Սակայն մեզ հաջողվեց դրանք ընկալելի եւ ընդունելի դարձնել: Սա եւս մեր հաջողության գրավականներից մեկն է:

-Նոր ընկերության մուտքը նման բարդ եւ պատասխանատու ոլորտում առանց խոչընդոտների չի լինում: Ինչպե՞ս հաջողվեց Ձեզ մրցակցային դաշտում ապահովել առաջատար դիրք:

-Գիտե՞ք ինչ, եթե հիվանդը դեղի կարիք ունի, նա անպայման այդ դեղը խմելու է: "Տեխնո ֆիտ" ընկերությունն այս ոլորտում այն դեղահաբն էր, այն անտիբիոտիկը, որի կարիքը շատերն են զգում, քանի որ մենք ունենք մեր մոտեցումները: Մեր ծառայությունների մատչելիության շնորհիվ դրանք հասանելի են շատերին:

հետ