Հարկ եմ համարում նշել, որ "Տեխնո ֆիտ" -ին կից` AEG ընկերության հետ համատեղ ձեւավորվել է "AEG –Tecno Fit Service" ընկերությունը: Եվ քանի որ AEG ընկերությունը Հայաստանի ողջ տարածքում իրականացնում է լայնածավալ աշխատանքներ, ունի նոր տեխնոլոգիաներ եւ նոր-նոր քայլեր է ձեռնարկում ջրամատակարարման ոլորտում, որոշեցինք ստեղծել համատեղ մի ընկերություն եւ համագործակցել գիտելիքներով , տեխնոլոգիաներով, եւ նախագծեր իրականացնել գազամատակարարման եւ ջրամատակարարման ոլորտներում: "Տեխնո ֆիտ" ընկերությունը ձեւավորել է եւս մի ընկերություն` " Արմենիա տեխնոլոգիաներ", որի նպատակն է Հայաստանում իրականացնել նանո տեխնոլոգիաների գաղափարը:

-Գործի հաջողությանը մեծապես նպաստում է սկզբունքայնությունը: Ո՞րն է Ձեր սկզբունքը:

-Այսօրվա գործը վաղվան չթողնելը ոչ միայն իմ, այլեւ ողջ ընկերության ամենակարեւոր սկզբունքն է: Աշխատանքում ազնվությունը եւս կարեւոր նախապայման է: Այդ իսկ պատճառով մեզ հետ աշխատող բոլոր կազմակերպությունները համոզված են, որ "Տեխնո Ֆիտ-" հետ համագործակցությունը հուսալի է, ապահով եւ մատչելի:

Անուշ Ներսիսյան