Վերջերս Ձեր բանկն իր վարկանշով ճանաչվեց առաջինն աշխարհում: Ո՞րն է նման հաջողության պատճառը :

- Մենք ճանաչվել ենք աշխարհի լավագույն կազմակերպությունը "Ֆորբս" ամսագրի կողմից, որն ամերիկյան պարբերական է, ինչպես նաև մենք լավագույնն ենք Հայաստանում, ըստ "Գլոբալ Ֆայնենսի": Անցած տարին մեզ համար իրոք հաջող էր այդ առումով: Հայաստանում նույնպես, մենք` ՀՀ-ում գործող բանկերի աշխատողներս, քվեարկեցինք միմյանց օգտին և պարզվեց, որ անգամ մեր մրցակիցների կարծիքով Էյչ-Էս-Բի-Սի-ն լավագույնն է Հայաստանում: Կարծում եմ, որ մեր հաջողության պատճառները երեքն են. առաջին երկուսը` կապիտալը և լիկվիդայնությունն են: Էյչ-Էս-Բի-Սի Խումբը լավ կապիտալացված է: Մենք հավատացած ենք, որ հզոր կապիտալը կարևոր է և կօգնի բանկին ճգնաժամային իրավիճակներում: Իսկ այժմ աշխարհում` թե’ Ամերիկայում, և թե’ Եվրոպայում դժվարին, ճգնաժամային ժամանակներ են: Եվ չնայած դրան, Հայաստանում գործող բանկերից շատերը շահույթով են աշխատում, իսկ մենք ունեցել ենք շահույթի ռեկորդային ցուցանիշ` 2007 թ. շահույթը մինչև հարկումը կազմել է մոտ 4.3 միլիարդ դրամ: Բացի կապիտալից, կարծում եմ որ Էյչ-Էս-Բի-Սի-ի համար շատ կարևոր է լիկվիդայնությունը: Բանկային գործում որոշ բաներ բավական պարզ են` հզոր կապիտալ և լիկվիդայնություն` անհրաժեշտ է ավանդներ ներգրավել, իսկ հետո այդ միջոցներով վարկեր տրամադրել: Պետք է մշտապես համոզված լինել, որ ունես ավելի շատ ավանդներ քան վարկեր` սա է ապահով բանկի գրավականը: Հիմնականում բանկերը

հետ